सिन्धुलीको फिक्कलमा गठबन्धनलाई पराजित गर्दै एमालेका उम्मेद्वार  विजयी

४ जेष्ठ , काठमाँडौं । सिन्धुलीको फिक्कल गाउँपालिका गठबन्धनलाई पराजित गर्दै नेकपा एमालेका उम्मेद्वार विजयी भएका छन् । गाँउपालिकाको अध्यक्षमा नेकपा एमालेकी पार्वती सुनुवारले गठबन्धनको तर्फबाट कांग्रेसका नृप भुजेललाई ४५ मतले पराजित गर्दै सनुवार निर्वाचित भएकी हुन् ।

एमालेकी सुनुवारले ४ हजार ६२ मत पाउँदा निकटतम प्रतिद्वन्द्वी कांग्रेसका भुजेलले ४ हजार १७ मत पाए । सुनुवार सिन्धुलीमा गाउँपालिका अध्यक्षमा निर्वाचित हुने पहिलो महिला उम्मेदवारसमेत बनेकी छन् ।

उपाध्यक्षमा भने एमालेकै राजु बरालले फराकिलो अन्तरमा विजयी भएका छन् । बरालले ४ हजार २ सय ५६ मत पाई निर्वाचित हुँदा गठबन्धनबाट माओवादी केन्द्रका लोकेन्द्र कार्कीले ३ हजार ४ सय २६ मत प्राप्त गरे । ६ वडा रहेको फिक्कलमा वडा नं। १ माओवादी केन्द्र र वडा नं। ४ मा कांग्रेसका उम्मेदवार विजयी भए भने बाँकी सबै वडा एमालेले जितेको छ ।