निर्वाचनको परिणामले सत्ता गठबन्धनमा कुनै असर गर्दैन्ः सचेतक भुसाल

४ जेठ, काठमाडौं ।  नेपाली कांग्रेसकी नेतृ एवं सचेतक पुष्पा भुसालले स्थानीय तहको निर्वाचन परिणामले सत्ता गठबन्धनमा कुनै असर नपार्ने बताएकी छन् । उनले अहिलेको सत्ता गठबन्धन आगामी संघ र प्रदेशको निर्वाचनसम्म कायम रहने बताएकी छन् ।

बुधबार नयाँ बानेश्वरस्थित संघीय संसद भवन परिसरमा पत्रकारहरुसँग कुरा गर्दै भुसालले आसन्न संघ र प्रदेशका निर्वाचनमा पनि सत्तारुढ गठबन्धनलाई निरन्तरता दिइने बताइन् ।

कांग्रेस अहिलनै गठबन्धनलाई विघटन गर्ने पक्षमा नरहेको र देशको आवश्यकताले पनि गठबन्धन चाहेको बताइन् । स्थानीय तह निर्वाचनमा काँग्रेसको अग्रताले काँग्रेसप्रति जनताको आस्था र विश्वास बढेको भन्दै उनले कांग्रेस गठबन्धनमा रहेका दललाई धोका नदिलएको दावी गरिन् ।

सचेतक भुसालले काठमाडौं महानगरपालिकाको निर्वाचनमा युवा मतदाता थपिएका कारण युवाहरुले स्वतन्त्र उम्मेदवारलाई मत दिएको र पार्टीभित्रका आन्तरिक असन्तुष्टि पनि करण भएको बताइन् ।