नविल बैंक वालिङ शाखाद्वारा राहत रकम प्रदान

जेठ, स्याङ्जा । नविल बैंक लिमिटेड वालिङ शाखा कार्यालयले सेवाग्राहीलाई राहत रकम प्रदान गरेको छ । घातक रोग लागेमा तथा मृत्यु भएमा सेवाग्राहीलाई राहत स्वरुप उपलब्ध गराउने रकम स्याङ्जाको एक परिवारलाई प्रदान गरेको हो ।

चापाकोट नगरपालिका ३ दिसिङ्कोटकी कृष्ण कुमारी सारुका श्रीमान श्यामबहादुर थापालाई उक्त रकम प्रदान गरिएको छ । सारुको उपचार खर्च ३ लाख रुपैयाँ र क्रिया खर्च वापत ७५ हजार गरी ३ लाख ७५ हजार रुपैयाँ प्रदान गरिएको बैंकका शाखा प्रमुख विशाल बरालले जानकारी दिए ।

बैंकले घातक रोग लागेमा उपचार खर्च ३ लाख र मृत्यु भएमा क्रियाखर्च वापत ७५ हजार रुपैयाँ उपलब्ध गराउँदै आएको छ ।

बैंकले दिएको जानकारी अनुसार १६ वर्षदेखि ६५ वर्षउमेरका सेवाग्राहीले खातामा न्यूनतम ३५ हजार जम्मा गरेमा राहत स्वरुप रकम पाउने छन् ।