तानसेनर्‍ बुटवल सडक खण्डमा सुख्खा पहिरो, एकतर्फी सडक खुल्न दुई घण्टा लाग्ने

९ जेठ, पाल्पा । तानसेन बुटवल सडकखण्ड सुख्खा पहिरो खसेपछि पूर्णरुपमा अवरुद्ध भएको छ । सोमबार दिउँसो सिद्धार्थ राजमार्ग अन्तर्गत पर्ने सडकको तिनाउ गाउँपालिका –५ कालीमाटीमा ढुंगा र बाँसको झाडीसहित सुख्खा पहिरो खस्दा सडकमा सवारीसाधन बिचबाटैमा रोकिएका छन् ।

प्रहरीका अनुसार अहिले पाल्पादेखि बुटवलतर्फ जाने तथा बुटवलदेखि पाल्पातर्फ आउने सवारीसाधन सडकमै रोकिदा यात्रुलाई सास्ती भएको छ ।

सडकमा खसेको पहिरो पन्छाउन सडक डिभिजन कार्यालयको दुईवटा जेसीबी परिचालन भएपछि अझै एकतर्फी सडक खुलाउन पनि कम्तिमा दुईघण्टा लाग्ने प्रहरीले बताएको छ ।