नवनिर्वाचित मेयर राजेशमानले लगाए मुकुट

१० जेठ, वीरगन्ज । बीरगञ्ज महानगरपालिकाका नवनिर्वाचित मेयर राजेशमान सिंहलाई जनता समाजवादी पार्टीका केन्द्रीय सदस्य एवं प्रतिनिधिसभा सदस्य  प्रदीप यादवले चाँदीको ताज (मुकुट) पहिरयाएर बधाई दिनुका साथै सम्मान गरेका छन् ।

मंगलबार बिहान महानगरको मतगणना सम्पन्न भई मेयरमा निर्वाचित भएपछि सबैभन्दा पहिले सांसद यादवलाई भेट्न उनको निवासमा पुगेका सिंहलाई सांसद यादवले चाँदीको ताज पहिर्याएर बधाई दिँदै सम्मान गरेका हुन् ।

सत्ता गठबनधनबाट जसपाका उम्मेदवार बनेका सिंहलाई मेयरमा जिताउन अहंम भूमिका निर्वाह गरेका सांसद यादवले सिंहलाई सम्मान गरेको र यो जित हाम्रो मात्र भई सम्पूर्ण वीरगञ्जवासीको रहेको सांसद यादवले बताए ।

सांसदको बधाई र सम्मान थापेपछि मात्रै नवनिर्वाचत मेयर सिंह आफना समर्थकका साथ वीरगञ्ज १४ पिपरास्थित नृसिंह मावि परिसरको मतगणनास्थलमा पुगेका थिए । त्यहाँ उनले मुख्य निर्वाचन अधिकृत धर्मराज पौडेलेको हातबाट निर्वाचित भएको प्रमाणपत्र ग्रहण गरेका थिए ।

त्यसपछि सांसद यादव र आफ्ना समर्थकका साथ सिंहले वीरगञ्जमा विजय रयाली निकालेर नगर परिक्रमा गरेका छन् ।