मन्त्रिपरिषद बैठकद्वारा आज संसदमा पेस हुने नीति तथा कार्यक्रम पारित

१० जेठ, काठमाडौं । सरकारले अगामी वर्ष ०७९–८० को नीति तथा कार्यक्रम पारित गरेको छ । मंगलबारको मन्त्रिपरिषद् बैठकले आज संसदका दुवै सदनमा पेस हुने आगामी वर्षको नीति तथा कार्यक्रम पारित गरेको हो ।

मन्त्रिपरिषदले पारित गरेको नीति तथा कार्यक्रम आज अपरान्ह ४ बजे बस्ने संसद बैठकमा पेस हुने छ । राष्ट्रपति विद्यादेवी भण्डारीले प्रतिनिधिसभा र राष्ट्रियसभाको संयुक्त बैठकमा नीति तथा कार्यक्रम पेस गर्ने कार्यसूची रहेको छ ।

जेठ १० गते अगामी वर्षको नीति तथा कार्यक्रम पेस गर्ने संवैधानिक व्यवस्था छ भने जेठ १५ गते बजेट आउँदै छ । अर्थमन्त्री जनार्दन शर्माले नीति तथा कार्यक्रम तयार गरी मन्त्रीपरिषदमा लगेका थिए ।