सामाजिक सञ्जाललाई कानून र करको दायरामा ल्याउने सरकारको घोषणा

१० जेठ, काठमाडौं । सरकारले सामाजिक सञ्जालाई कानुनी दायरामा ल्याउने घोषणा गरेको छ । नीति तथा कार्यक्रम प्रस्तुत गर्दै राष्ट्रपति विद्यादेवी भण्डारीले व्यवसायिक कारोबार गर्ने सामाजिक सञ्जालाई करको दायरामा ल्याइने बताइन् ।

उनले विद्युतीय माध्यमबाट सञ्चालन भएर व्यावसायिक कारोबार गर्ने सामाजिक सञ्जाललाई कानुन र करको दायरामा ल्याइने बताईन् । यस्तै जलवायु परिवर्तन प्रभाव कम गर्न हरित जलवायु कोष परिचालन गरिने भएको छ ।

सरकारको २०७९÷८० को नीति तथा कार्यक्रममा स्वच्छ एवं नविकरणीय उर्जा स्रोत र उर्जा दक्ष प्रविधिको प्रवद्र्धन तथा विस्तार गर्न हरित जलवायु कोष लगायत अन्तर्राष्ट्रिय संस्थाबाट प्राप्त हुने वित्तीय स्रोत परिचालन गरिने बताइएको छ ।
कार्बन प्रशोधन क्षमता अभिवृद्धि गरी कार्बन व्यापारबाट थप लाभ प्राप्त गरी वन विनाशलाई सन् २०३० सम्म शून्यमा झार्न ग्लास्गो घोषणा कार्यान्वयन गरिने भएको छ ।