उपत्यका ट्राफिक प्रहरीले एकैदिन गर्यो १९ सय १६ सवारी चालकमाथि कारवाही

११ जेठ, काठमाडौं । उपत्यका ट्राफिक प्रहरीले एकैदिन ट्राफिक नियम उल्लंघन गर्ने १ हजार ९१६ जना सवारी चालकमाथि कारवाही गरेको छ । नियम विपरित सवारी चलाएका कारण उनीहरुमाथि कारवाही गरिएको हो ।

मंगलबार काठमाडौंं उपत्यकामा विभिन्न स्थानमा उनीहरुलाई कारवाही गरिएको काठमाडौं उपत्यका ट्राफिक प्रहरी कार्यालयले जनाएको छ । कारवाहीमा पर्नेमा फुटपाथमा पार्किङ गर्ने १५६ जना, मदिरा पिएर सवारी साधन चलाउने ९८ जना, तिब्र गतीमा सवारी साधन चलाउने ६१ जना र जथाभावी यात्रु चढाउने तथा ओराल्ने ६६ जना रहेका छन् ।

ढोका खुल्लै राखेर सवारी चलाउने ६६ जना, अवस्था ठिक नभएका सवारी साधन चलाउने ४६ जना, लेन उल्लंघन गर्ने ३४ जना, रातो बत्तीको उल्लंघन गर्ने २३ जना र क्षमता भन्दा बढी यात्रु राख्ने १९ जना चालकहरू पनि कारवाहीमा परेका छन् ।