वर्षासँगै हिमपात हुँदा अवरुद्ध चारधाम यात्रा पुनः सुचारु

११ जेठ, भारत । वर्षा र हिमपातका कारण मंगलबार अवरुद्ध भएको चारधाम यात्रा बुधबार मौसममा सुधार आउनासाथ सुचारु भएको छ । मौसममा सुधार भएपछि स्थगित केदारनाथ धाम हवाई यात्रासहित बद्रीनाथ, गंगोत्री एवं यमुनोत्री यात्रा पनि सुचारु भएको छ ।

मंगलबार मौसममा गडबडी भएकाले हजारौं तीर्थयात्री ठाउँठाउँमा रोकिएका थिए । मौसम बिग्रिएपछि केदारनाथ र यमुनोत्रीको पैदल यात्रा मंगलबार अपराह्नसम्म मात्र चलेको थियो ।

मंगलबार बिहानैदेखि कुहिरो लागेकाले केदारनाथका लागि हुने हेलिकप्टर सेवा दिनभरि नै ठप्प रह्यो । गौरीकुण्डबाट हुने घोडा सवारीमा पनि रोक लगाइएको थियो भने पैदल यात्रीहरुलाई अपराह्नपछि बाससम्म जान दिइएको थियो । वेबदुनियाका अनुसार सुरक्षा निकायलाई पनि तयारी अवस्थामा रहन निर्देशन दिइएको थियो ।