स्याङजामा प्याराग्लाइडिङ दुर्घटना : एकजना घाइते, अवस्था खतरामुक्त

१३ जेठ, पोखरा । स्याङ्जाको भीरकोट नगरपालिकामा प्याराग्लाईडिङ सिक्ने क्रममा भएको दुर्घटनामा परी एक जना घाईते भएकी छन् । भीरकोट ८ स्वरेक मैदानकी १९ वर्षिया लक्ष्मी अर्याल प्याराग्लाईडिङ सिक्ने क्रममा लडेर घाईते भएकी हुन् ।

घाईते अर्याललाई उद्धार गरी हेलिकप्टर मार्फत पोखरास्थित मेट्रोसिटी अस्पताल पोखरा पठाईएको जिल्ला प्रहरी कार्यालय स्याङ्जाका प्रवक्ता प्रहरी नायव उपरिक्षक रबिन्द्र खनालले जानकारी दिए ।

घाईते अर्यालको टाउको र खुट्टामा चोट लागेको प्रहरीको भनाई छ । हालसम्म उनी खतरामुक्त रहेको बताईएको छ ।