तारा एयरले भन्यो,‘जहाज खोज्न हेलिकप्टरहरु स्ट्यान्डबाई छन्’

१५ जेठ, काठमाडौं । तारा एयरले जोमसोम जाँदा सम्पर्कविहीन भएको आफ्नो जहाज खोजीका लागि हेलिकोप्टरहरु तयारी अवस्थामा राखिएको जनाएको छ । बिहानदेखि खोजिमा गएका हेलिकोप्टर मौसम खराब भएपछि फर्किएको तारा एयरले जनाएको छ ।

तारा एयरले प्रेस विज्ञप्ति जारी गर्दै हराइरहेको जहाज खोजी तथा उद्दारका लागि काठमाडौं, पोखरा र जोमसोम विमानस्थलमा हेलिकप्टरहरु स्ट्यान्डबाइ राखिएको जनाएको छ । माैसममा सुधार आउन साथ हवाईमार्गबाट खोजी कार्य पुनः सुरु गर्ने तारा एयरले जनाएको छ ।

नेपाली सेना, नेपाल प्रहरी र तारा एयरको उद्दार टोली स्थलमार्गबाट त्यसतर्फ प्रस्थान गरिसकेको जानकारी कम्पनीले दिएको छ ।