पुतलीबजार नगर कार्यपालिका निर्वाचनमा कांग्रेसका सम्पुर्ण सदस्य बिजयी

१५ जेठ, स्याङ्जा । पुतलीबजार नगर कार्यपालिकामा आज भएको निर्वाचनबाट आठै जना नेपाली कांग्रेसका उम्मेदवार बिजयी भएका छ्न । जसमा दलित वा अल्पसंख्यक ३ जनामा श्रीप्रसाद जिटी, केशवबहादुर घर्ती र भोजबहादुर कुमाल बिजयी भएका छन् । उनीहरुले एमालेका बुद्धिबहादुर दमै, सिद्धिमान कुमाल र सिर्जना खवासलाई पराजित गरेका थिए ।

यस्तै गरि वडा सदस्य निर्वाचित महिला मध्यबाट कांग्रेसकै अनिता रुचाल, चिजा दर्जी, टोलमया थापा, यसोदा देवी पौडेल र सन्जिता नेपाल अर्याल बिजयी भएका छन् । उनीहरुले एमालेबाट प्रतिद्वन्द्वी दोक कुमारी मल्ल, बाग्मती नेपाली, शारदा नेपाली, शोभा बिक र सम्झना कुवरलाई पराजित गरेका हुन् ।

विजयी सम्पुर्णलाई मुख्य निर्वाचन अधिकृतले निर्वाचित भएको प्रमाणपत्र बितरण गरेका छन् । सो प्रश्चात पार्टी कार्यालयको कार्यक्रममा नेपाली कांग्रेस जिल्ला सभापति माननीय राजु थापा, नगर सभापति सुरज कुमार अधिकारी तथा प्रदेश सदस्य कुम बहादुर गुरुङले निर्वाचित सदस्यहरुलाई खादा माला एवं अबिर लगाएर बधाई एवं सफल कार्यकालको शुभकामना दिएका थिए ।