कबड्डि ४ की नायिका मिरुनामाथी दुर्व्यवहार, यसरी हानिन् थप्पड

१६ जेठ, इटहरी । पछिल्लो समय दुर्व्यवहारको घटना बढ्दो क्रममा छ । सामान्य ब्यक्तिदेखि सार्बजनिक ब्यक्तिसम्मलाई दुर्ववहारदुर्व्यवहारका घट्नाले पिरोल्ने गरेको छ । यस्तैमा अभिनेत्री मिरुना मगर पनि दुर्व्यवहारमा परेकी छन् ।

त्यो पनि सार्बजनिक स्थलमै । हाल बक्स अफिसमा अत्याधिक व्यापार गर्न सफल भैरहेको नेपाली चलचित्र ‘कबड्डि ४’ को मुख्य नायिका हुन मिरुना । चलचित्रले सफलता हासिल गर्न थालेपछि हलहलमा दर्शकलाई भेटन टिमसंगै पुगेकी उनलाई एक ब्यक्तिले गलत तवरले छोएर दुर्व्यवहार गरेका हुन् ।

लामाको पहिरनमा देखिएका सो ब्यक्तिलाई अभिनेत्री मिरुनाले थप्पड समेत हानेकी छन् । गलत ब्यवहारले आवेशमा आएकी उनले सो ब्यक्तिलाई थप्पड हानिसकेपछी ‘अबदेखी कोहि केटिलाई त्यसरी छोइस् भनेनी तेरो यो युनिफर्म उतार्दिन्छु’ भन्दै त्यही सबैमाझ माफी समेत माग्न लगाईन् ।

काठमाडौंमा अवस्थित सिभिल मलमा आइतबार साझ भएको जुन घटनाको भिडियो यतिबेला सामाजिक संजालमा भाइरल भैरहेको छ । अभद्र व्यवहार गरेको आरोपमा फुर्वा तामाङ भनिने सो ब्यक्तीलाई प्रहरीले पक्राउ गरेको छ ।

पछाडिबाट पटकपटक अस्वाभाविक रुपमा छोएको भन्दै मिरुनाले प्रहरी वृत्त, जनसेवामा अभद्र व्यवहारको कसूरमा जाहेरी दिएकी थिइन् । उनको सो जाहेरीको आधारमा प्रहरीले मुगु घर भएका लामालाई पक्राउ गरेर हिरासतमा राखेको हो ।