अमेरिकाको एमसीसी पास गरेर चीनबाट बुढीगण्डकी खोस्नु राम्रो भएनः ज्ञवाली

१९ जेठ, काठमाडौं ।  नेकपा एमालेका सांसद तथा पूर्वपरराष्ट्रमन्त्री प्रदीप ज्ञवालीले अमेरिकी परियोजना एमसीसी पास गरेर बुढीगण्डकी चीनबाट झिकेर सरकारले गलत काम गरेको बताएका छन् ।

प्रतिनिधिसभाको बिहीबारको बैठकमा सरकारको आगामी आर्थिक वर्षको बजेटमाथिको छलफलमा सहभागी हुँदै गिजोल्नु गिजोलेर भए पनि एमसीसी पारित गरेकोमा सरकारलाई धन्यवाद दिए ।

ज्ञवालीले ठूला योजनाहरूलाई राजनीतिक ध्येय साँध्नका लागि नगिजोल्न पनि सरकार र सत्तारुढ दलका नेताहरूलाई सुझाव दिए । उनले विद्युत् परियोजनाहरूप्रति संकेत गर्दै भने,‘विदेशी लगानी बढाउँछु भन्दै हुनुहुन्छ तर तपाईंहरूका क्रियाकलापले विदेशी लगानीकर्तालाई लगातार हतोत्साहित गरिरहेको छ । सत्ता जान्छ भन्ने ठानेर तर एमसीसी पास गर्नुभयो ।’

ज्ञवालीले एमसीसीजस्तै बुढीगण्डकी आयोजना गिजोल्न खोजेको भन्दा असहमति जनाए । बुढीगण्डकी गिजोलिएको भन्दै राजनीतिक स्थायित्वको महत्वपूर्ण आधार भनेको नीतिको स्थिरता र निरन्तरता र नयाँ सरकार आउँदा यी कुराहरूमा परिवर्तन हुँदैन भन्ने अनुमान गर्न सकिने हुनुपने उनले बताए ।

चीनलाई दिने भनेर निर्णय भएको बुढीगण्डकी जलविद्युत् परियोजना सरकार आफैले बनाउने योजना ल्याएको छ । कहिले चीनलाई दिने कहिले आफै बनाउने भन्ने कुराले सरकारमा अस्थिरता देखिएको ज्ञवालीको भनाइ थियो ।