जिसस पर्साको नेतृत्वका लागि कांग्रेस बलियो तर जसपा निर्णायक

२४ जेठ, बीरगञ्ज । जिल्ला समन्वय समिति पर्साको नयाँ नेतृत्व चयनका लागि आउँदो २७ गते निर्वाचन हुने भएको छ । मुख्य निर्वाचन अधिकृतको कार्यालयले सार्वजनिक गरेको कार्यतालिका बमोजिम नेतृत्व चयनका लागि २७ गते निर्वाचन हुन लागेको हो ।

कार्यतालिका अनुसार मंगलबार उम्मेद्वारी मनोनयन हुँदै छ । दिउँसो २ बजेदेखि ५ बजेसम्मका लागि उम्मेद्वारी दर्ताको समय दिइएको छ ।

बिहीबार उम्मेद्वारको अन्तिम नामावली प्रकाशन गर्ने र शुक्रबार मतदान हुने कार्यतालिका रहेको छ । मतदानपछि सोही दिन मतगणना गरिने निर्वाचन अधिकृतको कार्यालयले जनाएको छ । संवैधानिक व्यवस्था अनुसार स्थानीय तहको निर्वाचन भएको ३० दिन भित्र जिल्ला समन्वय समितिको निर्वाचन हुने गर्दछ ।

समन्वय समितिको नेतृत्वका लागि गाउँपालिका अध्यक्षरउपाध्यक्ष, नगर प्रमुख र उपप्रमुखले मतदान गर्न पाउनेछन् ।समितिमा गाउँपालिका वा नगरपालिकाको कुनै वडामा सदस्य निर्वाचित भएको जनप्रतिनिधी उम्मेदवार बन्न पाउने व्यवस्था छ ।

९ सदस्य जिल्ला समन्वय समितिमा सभापति, उपसभापति, तीन जना महिला सदस्य, दलित वा अल्पसंख्यकमध्येबाट १ जना र ३ जना अन्य बाट सदस्यमा निर्वाचित हुने व्यवस्था छ ।
जिल्लामा कुनै पनि राजनीतिक दलको स्पष्ट बहुमत छैन ।

नेपाली कांग्रेसको अध्यक्ष उपाध्यक्ष सहित १२ मत छ भने नेकपा एमाले १०, जनता समाजवादी पार्टीको ५, लोसपा १ रहेको छ । अन्य दलभन्दा नेपाली कांग्रेस बलियो देखिएको छ । तर नेतृत्वका लागि जनतासमाजवादी पार्टी निर्णायक देखिन्छ । कांग्रेस र एमाले जुनैसँग गठबन्धन गरे पनि

समन्वय समितिमा कुनै पनि पार्टीको एकल बहुमत भने छैन । १ महानगरपालिका, ३ नगरपालिका र १० गाउँपालिका गरी १४ स्थानीय तहका २८ प्रमुख उपप्रमुखमध्ये कुनै पनि राजनीतिक दलको एकल बहुमत छैन । एकल बहुमत नभएपछि राजनीतिक दलकाबीचमा गठबन्धन हुने सम्भावना देखिन्छ ।

जनता समाजवादी पार्टी निर्णायक रहँदा उसले समन्वय समितिको सभापति माग गरेको छ । कांग्रेस र एमाले जुनले सभापति दिन्छ उसैसँग गठबन्धन गर्ने गरी जसपाले डिल गरिरहेको बुझिएको छ ।

यस्तो छ कार्यतालिका :