प्रधानमन्त्रीदेखि मन्त्रीसम्मलाई स्वागत गर्छन् सिंहदरबारका भुस्याहा कुकुरहरूले

♥गाेमा विष्ट

२५ जेठ, काठमाडौं ।  सिंहदरबार, नेपालका प्रधानमन्त्री कार्यालय र अन्य सरकारी कार्यालयहरू भएको परिसर हो । यो काठमाडौंको मध्य भागमा अवस्थित छ । यहाँ नेपालका सबैभन्दा महत्वपूर्ण सरकारी कार्यालयहरू रहेका छन् ।

देशकै मुख्य प्रशासनिक केन्द्र सिंहदरबारमा को–को बस्छन् ? मुलुक हाँक्ने प्रधानमन्त्री र मन्त्रीहरूदेखि ठूल्ठूला योजना–परियोजना बनाउने कर्मचारी यो परिसरका मन्त्रालय र कार्यालयमा काम गर्छन् । तर, धेरैलाई थाहा नहुन सक्छ, यही सिंहदरबार परिसरका सडक पेटीमा थुप्रै भुस्याहा कुकुर पनि छन् ।

देशको संवेदनशील ठाउँमा यसरी कुकुर आफ्नै लयमा मस्त निदाइरहेका, त्यसमाथि कोही दौडिरहेका, कोही आफ्नै लयमा खेलिरहेका देख्न सकिन्छ । सिंहदरबार परिसरमा यी कुकुर आ–आफ्ना झुन्डमा बाँडिएर बस्ने गरेका छन् ।

त्यस यता पेटीमा हिडिरहेका आमजनमानसलाई भने निक्कै अप्ठेरो त पारिरहेको नै छ । तपाई पनि सिंहदरबार परिसरका सडक पेटी छेउ हिड्नु भएको भए तपाईले पनि यो समस्या झेल्नुु भएको होला । भुस्याहा कुकुरहरूले सवारी आगमनमा बेलाबखत बाधा पुर्‍याइरहन्छन् ।

“ल हेन्नुहोस त तपाई आँफै हामी यही सिंहदरबारको पेटी छेउँमा हिड्दा कहिले सड्कमा झर्नु पर्छ कहिले पेटी कुकुररुको यो बथानले कति बाधा पुर्याएको छ । अस्तिको घट्ना हो, सिंहदरबार बरिपरिको माहोल कसलाई हेर्न मन लाग्दैन र ! यो बाटो हिडदा म नि हेर्दैै थिए धन्न कुकुरलाई कुचिनछु । कुचेको भए ? लडने थिए, मलाई कुकुरले टोक्ने थियो, होला कसो बचेछु” ,  शिला पुरीले गुनासो गरिन् ।

“यसरी यतिका सुतेका छन् । दिनमा भन्दा साँझ, बिहान बढी हुन्छन् । यही सडकपेटीमा कुकुरहरुलाई खाना भन्दा नि मासुका चोक्टा बाडिन्छ, हिड्न गाह्राे हुन्छ यतिका छन् त । सरकार कै आँगन छेउँ ,नजिक छन् भनौं नजरमै छन्, व्यवस्थित खै किन नभएकाे हाेला ?” ,  रमिता भाटले भनिन् ।

देशको यति महत्वपूर्ण ठाँउमा पनि अब्यवस्थित रुपमा भुस्याहा कुकुर देख्दा देशको अभिभावकलाई भने यो अव्यवस्थित भुस्याहा कुकुरहरू नदेखिएकै हो त ? सदैव आवतजावत गर्ने मुलगेट अगाडिका समस्या नदेखिन नै थालेका हुन त ? वा सरकारले नजरअन्दाज गरेको होला ? हाम्रा देशका नेताहरु आफ्नै नजिकका समस्या त नजरअन्दाज गरिरहेका छन् देशको समस्या के समाधान गर्थे होला ? जबकी मुलुक हाँक्ने प्रधानमन्त्री र मन्त्रीहरूदेखि सबै शक्तिशाली अंगहरु यही  छन् ।

चिल्ला गाडीमा सिंहदरबार परिसर भित्र जादै गर्दा प्रत्येक दिन प्रधानमन्त्री र मन्त्रीहरूदेखि कर्मचारीसम्मलाई भुस्याहा कुकुरले स्वागत-सत्कार गर्न लम्पसार सुतिरहेका हुन्छन । कोही आफ्नै लयमा यता उता भौतारी रहेर असहज वातावरण बनाईरहेका हुन्छन् । यसरी भुस्याहा कुकुर स्वागत गर्न बसिरहेका हुन्छन् । यही मोहले होला सायद व्यबस्थित गर्न असहज भएको ।

बाहिर मात्र हैन भित्र जान पनि सिंहदरबार घेर्ने पर्खालका कयौं ठाउँबाट सजिलै आवतजावत गर्न सहज छ भुस्याहा कुकुरलाई । सजिलै सिंहदरबार परिसरमा प्रधानमन्त्री र मन्त्रीहरूदेखि ठूल्ठूला योजना–परियोजना बनाउने कर्मचारीहरुलाई दिनहुँ भेटेर आउछन् भुस्याहा कुकुरहरू तर पनि अझै भुस्याहा कुकुरहरू व्यबस्थित हुन भने सकेका छैनन् ।

हर्नुहोस् भुस्याहा कुकुरको तस्बीरः सिंहदरबार परिसरका सडकपेटी छेउ  (फोटोफिचर )