जिल्ला समन्वय समिति पर्सामा एमाले जसपा गठबन्धनका उम्मेद्वार निर्वाचित

२७ जेठ, बीरगञ्ज । जिल्ला समन्वय समिति पर्साको प्रमुखमा निरन्जन साह सोनार ९अजय सर्राफ० निर्वाचित भएका छन् । उनी जसपा र एमाले गठबन्धनको जसपाका तर्फबाट उम्मेद्वार थिए ।

शुक्रबार सम्पन्न मतदानमा सोनारले १५ मत प्राप्त गर्दै प्रमुखमा निर्वाचित भएका हुन् । सोनार एक साता अघि बीरगञ्ज महानगर कार्यपालिकाको सदस्यमा निर्वाचित भएका थिए ।

कार्यपालिका वा वडा सदस्य मध्येबाट समन्वय समितिको पदाधिकारीमा उम्मेद्वार हुने संवैधानिक व्यवस्था अनुरुप सोनारले शुक्रबार सम्पन्न निर्वाचनबाट समन्वय समितिको प्रमुखमा बाजि मारेका हुन् ।

त्यस्तै, उनको निकटतम प्रतिष्पर्धी नेपाली कांग्रेसका सरोज कुमार चौरसियाले १३ मत पाए । उपप्रमुखमा पनि गठबन्धनकै तर्फबाट एमालेका उम्मेद्वार पुरन कुर्मी विजयी भएका छन् । उनले पनि १५ मत प्राप्त गरेका छन् ।

कांग्रेस उम्मेद्वार कुमारी सोनी पासवानलाई पछि पार्दै उपप्रमुखमा निर्वाचित भएका कुर्मी बहुदरमाई नगरपालिकाको नगरसभा सदस्य हुन् । समितिमा एमाले जसपा गठबन्धनको प्यानलै विजयी भएको छ ।

जसमा सदस्यहरुमा सदस्यमा जसपाबाट वैयन्ती देवी, राजपति देवी, विनयप्रसाद कुर्मी तथा एमालेबाट सदस्यमा श्रीकान्ती देवी, सुशिला कुर्मी, रामप्रसाद यादव, सलिम मिया अन्सारी विजयी भएका हुन् ।

१४ स्थानीय तह रहेको पर्सामा कांग्रेसको १२, एमालेको १०, जसपाको ५ र लोसपाको १ मत रहेको छ । संविधान अनुसार जिल्ला सभामा जिल्लाभित्रका पालिकाका प्रमुख उपप्रमुखहरु रहने व्यवस्था छ । जिल्ला सभाले निर्वाचनमार्फत गाउँ÷नगर सभाका सदस्यहरुमध्येबाट जिल्ला समन्वय समितिका पदाधिाकारी छान्ने व्यवस्था छ ।