निर्वाचित वडाध्यक्षहरुलाई विर्ता प्रहरीको सम्मान

२७ जेठ, बीरगञ्ज । वडा प्रहरी कार्यालय विर्ताले बीरगञ्ज महानगरका विभिन्न वडामा निर्वाचित वडाध्यक्षहरुको सम्मानमा कार्यक्रम आयोजना गरेको छ ।

महानगरको वडा नम्बर १ देखि १० र १६ नम्बर वडाका निर्वाचित वडाध्यक्षलाई सम्मानसहित स्वागत गरेको हो । आफ्नो कार्यक्षेत्रमा पर्ने वार्ड प्रमुखको सम्मानमा कार्यक्रम गरिएको वडा प्रहरी कार्यालय विर्ताले जनाएको छ ।

आउँदा दिनमा उनीहरुसँगै सहकार्य गरेर अघि बढ्नुपर्ने आवश्यकता रहेकाले कार्यक्रमकै आयोजना गरेर स्वागत तथा सम्मान गरिएको वडा प्रहरी कार्यालय विर्ताका प्रमुख प्रहरी निरीक्षक विशाल मल्लले बताए ।

सो अवसरमा परिचय आदन प्रदान हुनुका साथै यस क्षेत्रको शान्ति सुरक्षा र मानवीय सहायताका सन्दर्भमा सहकार्य गरेर अघि बढ्ने निर्वाचित प्रतिनिधिहरुले प्रतिवद्धता जनाएका थिए ।