समन्वय समितिका नवनिर्वाचित पदाधिकारीले लिए शपथ

३० जेठ, बीरगञ्ज । जिल्ला समन्वय समिति पर्साका नवनिर्वाचित प्रमुख तथा पदाधिकारीले सोमबार पद तथा गोपनियताको शपथ लिएका छन् ।

जिल्ला समन्वय समितिको सभाहलमा आयोजित कार्यक्रमका बीच प्रमुख निर्वाचन अधिकृत धर्मराज पौडेलले समन्वय समिति प्रमुखमा निर्वाचित निरन्जन साह सोनार ‘अजय सर्राफ’ लाई शपथ गराए ।

बाकी पदाधिकारीलाई भने समन्वय समिति प्रमुख सोनारले शपथ गराएका हुन् । शपथ ग्रहण गरेसँगै समन्वय समिति प्रमुख सोनार तथा अन्य पदाधिकारीले कार्यभार सम्हालेका छन् ।

शपथ ग्रहण कार्यक्रममा प्रदेश सांसद जन्नत अंसारी, बीरगञ्ज महानगरका प्रमुख राजेशमान सिंह, संविधानसभा सदस्य जयप्रकाश थारु, समन्वय समितिका निवर्तमान सभापति नेक महम्मद अंसारी लगायतको सहभागिता रहेको थियो ।