एसपीपीमा सामेल हुन नेपालले अनुरोध गरेपछि स्वीकार गरेको होः अमेरिका

१ आसार, काठमाडौं । अमेरिकाले नेपालले स्टेट पार्टनरसीप प्रोग्राम (एसपीपी)मा सामेल हुन दुईपटक निवेदन दिएपछि सन् २०१९ मा उक्त अनुरोध स्वीकार गरेको प्रस्ट पारेको छ ।

काठमाडौंस्थित अमेरिकी राजदूतावासका प्रतिनिधिले बुधबार पत्रकारहरुसँग कुरा गर्दै नेपालले सन् २०१५ र २०१७ मा निवेदन दिएपछि अमेरिकाले सन् २०१९ मा स्वीकार गरेको बताए ।

अमेरिकाले सन् २०१९ मा उटाह नेशनल गार्डसँग सहकार्य गर्ने गरि उक्त अनुरोध स्वीकारेको हो । नेपालले एसपीपीका लागि सन् २०१५ र २०१७ मा दुबै पटक पत्राचार गर्दा नेपाली सेनाका प्रधानसेनापति राजेन्द्र क्षत्री थिए ।

क्षत्रीले नेपाल सरकारको स्वीकृति लिएर रक्षा र परराष्ट्र मन्त्रालयलाई बोधार्थ पत्र पठाउँदै अमेरिकालाई एसपीपीको लागि पत्राचार गरेका थिए । अमेरिकी दूतावासले एसपीपीमा कुनै पनि प्रस्तावित सम्झौता भने नभएको दाबी गरेको ।

अमेरिकाको तर्फबाट यस सम्बन्धमा कुनै पनि दवाव नदिएको र एसपीपीमा कुनै पनि एलायन्स नरहेको बताएको छ । उसले सार्वजनिक भएको प्रस्तावित दस्तावेज गलत भएको पनि बताएको छ ।