राष्ट्रियसभाको बैठकमा बजेटमाथि उठेका प्रश्नको आज मन्त्रीहरुले जवाफ दिने

१२ असार, काठमाडौं । संघीयको माथिल्लो सदन राष्ट्रियसभाको बैठक आज आइतबार बस्दैछ । आगामी आथिर्क वर्षको बजेटमाथि सांसदहरुले उठाएका प्रश्नको मन्त्रीहरुले जवाफ दिने कार्यक्रम छ ।

बैठक बिहान ११ बजे संघीय संसद भवन नयाँबानेश्वरमा बस्नेछ । केहि दिनदेखि राष्ट्रियसभामा आगामी आर्थिक वर्षको बजेटमाथि छलफल भइरहेको छ ।

सांसदहरुले विभिन्न मन्त्रालयगत बजेटमा उठाएका प्रश्नमा मन्त्रीहरूले जवाफ दिने सम्भावित कार्यसूची संघीय संसद सचिवालयको छ ।

बजेट प्रतिनिधि सभाबाट पारित भइसकेको छ । राष्ट्रिय सभामा छलफलकै क्रममा छ । मन्त्रीहरुको जवाफ सकिएपछि पारित गर्ने कार्यक्रम छ ।