मन्त्री झाँक्रीले भेटिन कामु प्रधानन्यायाधीश, विचाराधीन मुद्दाबारे छलफल

१२ असार, काठमाडौं । शहरी विकास मन्त्री रामकुमारी झाँक्रीले कायममुकायम प्रधानन्यायाधीश दीपककुमार कार्कीसँग भेट गरेकी छन् । मन्त्री झाँक्रीले कार्कीलाई सर्वोच्च पुगेर भेटेकी हुन् ।

मन्त्री झाक्रीले भेटका क्रममा आफ्नो मन्त्रालयका आयोजना र विकास निर्माणसँग सम्बन्धित विचाराधीन मुद्दालाई छिटो टुंगो लगाइदिन आग्रह गरेको सर्वोच्चका प्रवक्ता विमल पौडेलले जानकारी दिएका छन् ।।

कार्कीले आफूले सम्भव भएसम्म सहयोग गर्ने, छिटो टुंगो लगाउन सकिने रहेछ भने मुद्दा फाँटबाट प्राथमिकता दिएर अगाडि बढाउने प्रतिवद्धता जनाएका थिए । मन्त्री झाँक्रीले आजै मन्त्री पदबाट राजीनामा दिने चर्चा चलिरहेकै बेला कार्कीसँग भेट गरेकी हुन् ।