सहकारी मार्फत कृषकलाई कृषि औजार वितरण

◊ प्रकाश डोटेल

१४असार, स्याङ्जा । स्याङ्जाको वालिङस्थित न्यू गाउँबेशी बहुउद्देश्यीय सहकारी संस्थाले ५० प्रतिशत अनुदानमा कृषिऔजार वितरण गरेको छ । सहकारी रजिष्टार कार्यालय गण्डकी प्रदेश पोखराको ५० प्रतिशतअनुदान सहयोगमा सहकारी मार्फत कृषिऔजारहरु वितरण गरिएको हो ।

कृषिउपजको उत्पादनबृद्धि र लागत घटाउने उद्देश्यले कृषकलाई अनुदानमा कृषिऔजार वितरण गरेको सहकारीले जनाएको छ । कृषकलाई परम्परागत खेती प्रणालीको विकल्पमा यान्त्रिकीकरण र आधुनिकी करणमा अग्रसर बनाउने उद्देश्यले ५० प्रतिशत अनुदानमा सहकारीले कृषिऔजार वितरण गरेको छ ।

कृषकहरुको माग र आवश्यकताका आधारमा सहकारी मार्फत कृषकहरुलाई कृषिऔजार उपलब्ध गराईएको संस्थाका अध्यक्ष अर्जुन प्रसाद खनालले बताए । मागका आधारमा सहकारी मार्फत ११ वटा कम्बाईण्ड मिल र सात वटा हाते ट्रयाक्टर वितरण गरिएको अध्यक्ष खनालले बताए ।

“गाउँघरमा काम गर्नसक्ने जनशक्ति विदेशिएर काम गर्ने मान्छे नभएपछि खेतीगर्न सहजहोस भनेर ५० प्रतिशन अनुदानमा मिनीटेलर वितरण गरेका छौं ।” खनालले भने, “गोरु पाल्न छाडेको र काम गर्न सक्ने युवा अहिले प्रायःगाउँमा नभएका कारण खेतीगर्न नसकेर जमिन बाँझो राख्न नदिन औजार दिएका छौं ।” ५४ हजार मुल्यको औजारलाई २७हजार रजिष्टार कार्यालय र २७ हजार कृषक समूहले ब्यहोर्ने गरी औजार दिईएको छ ।

कृषिऔजार हस्तान्तरण गर्दै सहकारी रजिष्टार कार्यालय पोखराका रजिष्टार उदयबहादुर पराजुलीले कृषिमा आधुनिक यन्त्र उपकरणको प्रयोगमा जोड दिंदै लागत घटाउन र उत्पादनमा बृद्धि गर्नका लागि कृषि औजारहरुको महत्वपूर्ण भूमिका हुने विश्वास जनाए ।

औजार वितरण गरेपछि काममा सहजता हुने र काम गर्नेले आलोपालोसँग खनजोत गर्दा रोजगारी पाउने भएकाले यान्त्रिकीकरणलाई जोड दिएको अध्यक्ष खनालले बताए । रजिष्टार कार्यालयको अनुदानमा स्थानीय कृषकलाई ११ वटा कुटानी–पिसानी मिल समेत वितरण गरिएको छ ।

कृषकलाई कृषिकार्यमा उत्साह र उत्प्रेरणा प्रदान गर्न कृषिजन्य बस्तुको उत्पादन बढाउन औजार सहयोग गरिएको रजिष्टार कार्यालयले पोखराले जनाएको छ । औजार सहयोग कार्यलाई प्रदेशभर संचालन गरिने कार्यालयले जनाएको छ ।