काठमाडौंको भृकुटीमण्डपमा रहेको ह्वील चेयरको गोदाममा आगलागी

२९ असार, काठमाडौं । भृकुटीमण्डपमा रहेको ह्वील चेयरको गोदाममा आगलागी भएको छ । आगलागी भएको खबर आउने वित्तिकै काठमाडौं महानगरपालिकाको दमकल त्यहाँ पुगेको छ ।

अहिले आगो निभाउने प्रयास भइरहेको र थप दमकल पनि मगाइएको प्रहरीले जनाएको छ । आगलागी कसरी सुरु भयो भन्ने खुलेको छैन ।

ललितपुर महानगरबाट पनि दमकल बोलाइएको जिल्ला प्रहरी परिसर, काठमाडौंका एसपी दिनेशराज मैनालीले नेपालबहसलाई बताए । अहिले दमकल, प्रहरी र स्थानीयको सहयोगमा आगो नियन्त्रणमा लिने प्रयास भइरहेको छ ।