नागरिकता र सत्यनिरुपणका विषयमा प्रधानमन्त्री देउवा र ओलीबीच छलफल

८ भदौं, काठमाडौं । प्रधानमन्त्री शेरबहादुर देउवा र नेकपा एमाले अध्यक्ष केपी ओलीबीच भेटवार्ता भएको छ । नागरिकता बिद्येयक, सत्यनिरुपण बिद्येयकलगायतका बिषयमा सरकार र प्रमुख प्रतिपक्ष दल एमाले बिच सहमति कायम हुन नसकिरहेको बेला प्रधानमन्त्री देउवा र ओलीबिच भेटवार्ता भएको हो ।

नेकपा एमालेका अध्यक्ष केपी शर्मा ओली प्रधानमन्त्री शेरबहादुर देउवालाई भेट्न बालुवाटार पुगेका थिए । देउवाको निमन्त्रणामा ओली बुधबार बिहान साढे ९ बजे प्रधानमन्त्रीको सरकारी निवास बालुवाटार पुगेका हुन् । ओलीका प्रेस सहयोगी रामशरण बजगाईंले प्रधानमन्त्री देउवाको निमन्त्रणामा अध्यक्ष ओली बालुवाटार गएको जानकारी दिए ।

भेटमा समसामयिक राजनीतिक विषयहरुमा छलफल भइरहेको सचिवालयले जनाएको छ । सत्ता गठबन्धनमा सिट बाँडफाँटको कुरा चर्किरहेका बेला देउवाले ओलीलाई बोलाएरै छलफल गरेका हुन् ।