मोरङमा दुई समूहबीच झडप हुँदा १० जना घाइते, कोशी र न्युरोमा उपचार हुँदै

८ भदौ, विराटनगर । मोरङको मल्हन्वामा दुई समूहबीच झडप हुँदा १० जना घाइते भएका छन् । मङ्गलबार साँझ दुई पक्षबीच झडप हुँँदा १० जना घाइते भएका छन भने घाइतेमध्ये एक जनाको अवस्था गम्भीर छ ।

पुरानो रिसिइबीका कारण दोहोरो झडप हुँदा राजकुमार गम्भीर घाइते भएका हुन् । उनको न्युरो अस्पतालमा उपचार भइरहेको प्रहरीले बताएको छ । अन्यको कोसी अस्पतालमा उपचार भइरहेको छ ।

कुटाकुट हुँदा अजय राजवंशी, सञ्जीव राजवंशी, मन्जित राजवंशी, गणेश राजवंशी र धनपथ राजवंशी घाइते भएका हुन् । उनीहरू राजवंशीको समूहका हुन् ।

विराटनगर महानगरपालिका–१२ मल्हन्वा टोलमा गोपाल राजवंशी र राजकुमार कामतको समूहबीच झडप भएको प्रहरीले बताएको छ । कामततर्फका राजकुमारसहित दिनेश कामत, राजु कामत, सञ्जय कामत र काली कामत घाइते भएको प्रहरीले जनाएको छ ।

प्रहरीका अनुसार साँझपख जितनारायण राजवंशी र राजीव राजवंशी बजारबाट घरतर्फ फर्कंदै थिए । राजकुमारको घरअगाडि जम्काभेट हुँदा दुई पक्षबीच विवाद सुरु भएको थियो । स्थानीय र प्रहरीले दुवैलाई सम्झाएर पठाएका थिए । तर, फेरि लाठी लिएर भेला भई दुवै पक्षबीच कुटाकुट भएको हो ।

केही दिनअघि दिनेश कामतले चलाएको मोटरसाइकलले स्थानीय बालकलाई ठक्कर दिएको विषयमा युवा समूहबीच विवाद सुरु भएको डीएसपी श्रेष्ठले बताएका छन् । त्यो घटनामा दिनेशमाथि कुटपिट भएको थियो

प्रहरीका अनुसार साँझपख जितनारायण राजवंशी र राजीव राजवंशी बजारबाट घरतर्फ फर्कंदै थिए । राजकुमारको घरअगाडि जम्काभेट हुँदा दुई पक्षबीच विवाद सुरु भएको थियो । स्थानीय र प्रहरीले दुवैलाई सम्झाएर पठाएका थिए । तर, फेरि लाठी लिएर भेला भई दुवै पक्षबीच कुटाकुट भएको हो ।

केही दिनअघि दिनेश कामतले चलाएको मोटरसाइकलले स्थानीय बालकलाई ठक्कर दिएको विषयमा युवा समूहबीच विवाद सुरु भएको  थियो । त्यो घटनामा दिनेशमाथि कुटपिट भएको थियो । घटनामा संलग्न ६ जनालाई पक्राउ गरी थप अनुसन्धान थालिएको हो ।