कांग्रेस शीर्ष तहमै महामन्त्री गगनप्रति किन बढिरहेको छ असन्तुष्टि ?

९ भदौ, काठमाडौं । महाधिवेशन सकिएको एक वर्ष नपुग्दै नेपाली कांग्रेसका महामन्त्री गगनकुमार थापाप्रति असन्तुष्टि राख्नेहरु बढिरहेका छन् । यो असन्तुष्टि कार्यकर्ताको तहमा भन्दा शीर्ष तहमै बढि देखिन्छ । धेरै शीर्ष तहका नेताहरु अहिले आफुहरुले महामन्त्री गगन थापालाई फोन गर्नसमेत छाडिसकेको बताउँछन् । कारण उनी हतपत सभापतिको समेत फोन उठाउदैनन् ।

प्रधानमन्त्रीसमेत रहेका पार्टी सभापति शेरबहादुर देउवाले गएको केन्द्रीय समितिको बैठकमै गगनले फोन नउठाएर हैरान बनाएको बताएका थिए । देउवाले पार्टी र सरकारका कामका विषयमा छलफल गर्न खोज्दा महामन्त्रीले फोन नउठाएको गुनासो गर्दा धेरै नेताहरु बोल्ने क्रममा नै महामन्त्रीद्वयको अलोचना गरे । त्यसमा गगन थापानै अगाडी थिए । महामन्त्री भएपछि आफुभन्दा माथिल्लो तहका नेताहरुलाई सम्मान गर्ने व्यवहारमासमेत धेरै परिवर्तन आएको गुनासो धेरैको छ ।

नेपाल प्रेस युनियनको निर्वाचन सम्पन्न भएपछि एक उच्च तहका कांग्रेस नेतासंँग भेट गर्ने क्रममा प्रसंग महामन्त्री थापाकै उठ्यो । ति नेताले सुनाए, ‘हिजो चुनाव नजितुनजेलसम्म गगनसँग दैनिक भेट र कुराकानी भइरहेका थिए । अहिले उसले ६ महिना भयो मेरो फोन उठाउँदैन । मैले पनि अब फोन गर्ने र भेट गर्ने इच्छा मारिसके ।’ यसले पनि नेपालको लोकतान्त्रिक राजनीतिमा सक्रिय संलग्नता भएका युवाको चर्चाको प्रारम्भ गगन थापाबाट भएको मान्यता अहिले हराउदै गएको छ । नेपाली कांग्रेसको चौधौँ महाधिवेशनबाट महामन्त्री पदमा निर्वाचित गगन शेखर कोइरालाको गुटसँग जोडिएका छन् । तर, उनको कार्यशैलीप्रति स्वयम कोइरालासमेत सन्तुष्ट देखिदैनन् ।

कांग्रेसको चौधौँ महाधिवेशनमा सभापति पदका प्रत्यासी कोइराला शेरबहादुर देउवासँग पराजित भएका थिए । कांग्रेसमा सबैका लागि प्रिय रहेका र कांग्रेसविरोधीबीच पनि आफ्नो हैसियत जमाएका गगन किन शेखर गुटबाट चुनाव जितेर पनि अहिले त्यही गुटमा आलोचित भइरहेका छन् ।

गगनले स्थानीय निर्वाचनमा ३ सयभन्दा बढी सिट जित्दा कांग्रेसमा दम्भ प्रकट भएको भन्दै ठूला सहरमा कांग्रेसलाई धक्का लागेको दृष्टान्त दिँदै उनले दम्भ नपाल्न भनेपछि धेरै नेताहरु यहिबाट चिडिए ।

सामान्य रुपमा सवैले बुझ्ने भनेको यो उनको पावर बार्गेनिङ हो । तर, काठमाडौंका मतदाता कांग्रेससँग मोहभंग भएजस्तै गगनसँग पनि मोहभंगको पक्षमा देखिन थालेका छन् । काठमाडौंमा मात्रै नभएर उपत्यकामै कांग्रेस मतदाता रिझाउन गगनलाई हम्मेहम्मे पर्ने अवस्था देखिन थालेको छ ।

गगन थापा काठमाडौंका रैथाने नेता भने होइनन् । तर, काठमाडौंमा उनले कायम गरेको लोकप्रियताले लिएको उचाई क्रमसः घटिरहेको छ । एक वर्ष अघिसम्म गगनको वाक्पटुता र गतिशीलताको महिमा गाइन्थ्यो । अहिले त्यो खस्किँदै गएको छ । उनको जोस र रोष ओइलाउन थालेको छ । राजनीतिमा उनको वैचारिक अंकुरण मौलिक देखिन छाडेको छ ।

उनको व्यक्तित्वको सबैभन्दा विचारणीय पक्ष अहिले उनी कसैको पनि फोन रीसीभ गर्दैन । सभापतिको यो गुनासो समान्न थिएन । विभिन्न विद्यार्थी आन्दोलनको आँधीमा सक्रिय रहेका गगन ०६४ मा समानुपातिक सदस्यका रूपमा संविधानसभा प्रवेश गरेका थिए । त्यतिवेला उनले व्यक्तित्व तन्नेरी उमेरको रापले धपक्क बलेको थियो । उनले त्योभन्दा धेरै अघि गणतन्त्रकोे नारा लगाएका थिए । त्यही एउटा कारणले उनी तत्कालीन कांग्रेस सभापति तथा प्रधानमन्त्री गिरिजाप्रसाद कोइरालाको कोपभागी बनेका थिए ।

अर्को उनको दम्भले पनि उचाई घटाउन सघाएको छ । उनले महामन्त्रीको हैसियतले सवै कुरा थाहा पाउनुपर्ने र यसरी नै सरकार र पार्टी चलाउन नहुने विषय धेरै ठाउमा उठाए ।

गगन थापाले सरकारले केही राम्रा काम गरेपनि थुप्रै नराम्रा काममा पनि हात हालेको भन्दै सरकार र प्रधानमन्त्री देउवाको आलोचना गर्न थालेपछि देउवाले उनलाई रोक्दै फोन उठाउन आग्रह गरेको बताएका थिए । गगनले स्थानीय निर्वाचनमा ३ सयभन्दा बढी सिट जित्दा कांग्रेसमा दम्भ प्रकट भएको भन्दै ठूला सहरमा कांग्रेसलाई धक्का लागेको दृष्टान्त दिँदै उनले दम्भ नपाल्न भनेपछि धेरै नेताहरु यहिबाट चिडिए ।

पार्टीहित विपरित भनिएका धेरै टिप्पणीहरुलेसमेत उनको उचाइलाई घटाउने काम गरेको छ । पार्टीका गतिविधि समाचारबाट थाहा पाउनु परेपछि त्यसको प्रतिक्रिया समचारबाटै हुने टिप्पणी सभापति र स्वयम उनी पक्षकै नेता कोइरालाई मन परेको थिएन् । अर्को उनको दम्भले पनि उचाई घटाउन सघाएको छ । उनले महामन्त्रीको हैसियतले सवै कुरा थाहा पाउनुपर्ने र यसरी नै सरकार र पार्टी चलाउन नहुने विषय धेरै ठाउमा उठाए ।महामन्त्रीले पार्टीका सभापति र उपसभापतिको निर्णय बोकेर मात्र हिँड्ने काम गर्न नसक्ने जस्ता विषयले उनको उचाइमा असर पारिरहेको छ ।

उनीसँग काम गर्न सक्ने सचिवालय छ । सचिवालयमा समेत माथिल्लो तहका नेताहरु फोन नउठ्ने समस्या रहेको बताउँछन् । यतिबेला प्रदेश र प्रतिनिधिसभाको निर्वाचनका लागि उम्मेदवारहरु छानिदैछन् । गगन पनि काठमाडौंको आफ्नै क्षेत्रबाट निर्वाचन लड्ने तयारी गरिरहेका छन् । उनका यस्ता गतिविधिले मतदातामा कस्तो असर पार्छ यो पनि विचारणीय विषय बन्न सक्छ ।