‘तीन घण्टाभित्र खाली गराउनु’

९ भदौ, काठमाडौं । काठमाडौं महानगरपालिकाले नयाँ बानेश्वर, शंखमूल र बुद्धनगर क्षेत्रमा स्वीकृत नक्सा विपरित ब्यापार व्यवसाय सञ्चालन गरेका व्यवसायीलाई तीन घण्टाभित्र सामान हटाउन निर्देशन दिएको छ । पार्किङगका लागि नक्सा स्वीकृत गराई अन्य ब्यापार ब्यवसाय सञ्चालन गर्दै आएकालाई यसप्रकारको निर्देशन दिएको हो ।
प्रमुख बालेन्द्र साहसहित महानगरपालिकाको नगरप्रहरीको टोलिले नयाँ बानेश्वर र शंखमूल क्षेत्रको स्थलगत अनुगमन गर्दैछन् । अनुगमनको क्रममा स्वीकृत नक्सा र मापदण्ड विपरित ब्यापार व्यवसाय सञ्चालन गरेकालाई तीन घण्टाभित्र सामान खाली गर्न निर्देशन दिएको हो ।

प्रमुख साहले स्वीकृत नक्सा विपरितका संरचनामा ब्यवसाय सञ्चालन गरेका ब्यापारीलाई सटर बन्द गरेर सामान हटाउन आग्रह गरे । पार्किङग गर्ने प्रयोजनका लागि स्वीकृत संरचनामा ब्यापार व्यवसाय सञ्चालन गर्दा सडकपेटिमा पार्किङ्ग भएको, पैदल यात्रुलाई हिंड्न समस्या भएको तथा शहर नै कुरुप बनेको छ । महानगरपालिकाले जुन कामको लागि नक्सा स्वीकृत भएको हो सोही प्रयोजनमा प्रयोग गर्न ३५ दिनअघि सार्वजनिक सूचना प्रकाशन गरेको थियो ।