कोरम नपुगेर अग्निपथबारे छलफल गर्न डाकिएको बैठक स्थगित

९ भदौ, काठमाडौं । अग्निपथबारे छलफल गर्न बोलाइएको प्रतिनिधिसभाको अन्तर्राष्ट्रिय सम्बन्ध समितिको बैठक कोरम नपुगेर स्थगित भएको छ । छलफलमा परराष्ट्रमन्त्री डा. नारायण खड्कालाई बोलाएको भएपनि कोरम नपुगेपछि मन्त्री खड्का पनि उपस्थित भएनन् ।

२५ सदस्यीय समितिको बैठक बस्नका लागि १३ जना सदस्य उपस्थित हुनु पर्नेमा जम्मा ७ जना मात्र उपस्थित थिए । नेकपा एकीकृत समाजवादी स्थापना दिवस मनाउन र नेकपा एमाले पोलिटब्युरो बैठकमा व्यस्त रहेकाले बैठकमा कोरम नपुगेको हो ।

भारतले सैन्यभर्तीका लागि अग्निपथ योजना ल्याएको छ । उसले यो योजना अनुसार नै गोर्खा सैनिक भर्ना गर्ने तयारी गरिरहेका छ । त्यसैले यसबारेमा छलफल गर्न समितिले बैठक बोलाएको थियो ।