किन गए प्रधानमन्त्री देउवा जंगी अड्डा ?

९ भदौ, काठमाडौं ।  राष्ट्रपति विद्यादेवी भण्डारीले संविधानविपरीत नेपाली सेनाका पूर्वजर्नेलहरुसँग परामर्श गरेको राजनीति सेलाउन नपाउदै प्रधानमन्त्री शेरबहादुर देउवा जङ्गी अड्डा पुगेका छन् । उनी त्यहाँ एक कार्यक्रममा भागलिन गएको बताइएको छ ।

रक्षा मन्त्रालयले आयोजना गरेको कमाण्ड सेनापति समन्वयात्मक बैठकमा सहभागी हुन देउवा जङ्गी अड्डा गएको उनको निजिसचिवालयले जनाएको छ ।

रक्षा मन्त्रालयको जिम्मेवारी प्रधानमन्त्री देउवा आफैंसँग भएको र पूर्वनिर्धारित कार्यक्रममा सहभागी हुन गएको उनको निजी सचिवालयको भनाई छ ।