दीपा सहभागी डन बस्को एसबीएफए पुभरसँग खेल्दै

९ भदौ, काठमाडौं ।  राष्ट्रिय टिमकी मिडफिल्डर दिपा न्यौपाने सम्मिलित डन बोस्को फुटबल एकेडेमीले शुक्रबार केरला वुमेन्स लिग २०२२–२३ मा एसबीएफए पुभरविरुद्ध खेल्दै छ । खेल नेपाली समयअनुसार अपरान्ह ४स्१५ बजेदेखि सुरु हुनेछ ।

महाराजा कलेज स्टेडियममा डन बोस्को लगातार तेस्रो जितको खोजीमा मैदान उत्रिनेछ । यता, एसबीएफए पुभर भने पहिलो जितको खोजीमा हुनेछ ।

अगस्ट १० देखि सुरु भएको प्रतियोगिताको पहिलो खेलमा दिपाको टिम डन बोस्कोले लड्स एफएसँग खेलेको थियो । जसमा डन बोस्को १२–२ को नजितामा पराजित भएको थियो ।

दोस्रो र तेस्रो खेलमा क्रमशः एमिरेट्स एससीलाई ५–२ र कडाथानाड राजा एफएलाई ९–१ को नतिजामा हराएको थियो । जसमा दिपाले कुल ६ गोल गरिसकेकी छन् ।

प्रतियोगितामा दुई जित र एक खेलमा पराजित भएको डन बोस्को ६ अंकसहित अंक तालिकाको तेस्रो स्थानमा छ ।

डन बोस्कोले केरला वुमन्स लिगका लागि दीपालाई अनुबनध गरेको हो । उनीसँगै यो लिगमा राष्ट्रिय टिमकी फरवार्ड सावित्रा भण्डारी पनि छिन् । सावित्रा साविक विजेता गोकुलम केरलामा अनुबन्ध छिन् ।