झापामा तात्यो नेपाल किसान संघ

१२ भदौ, विर्तामोड ।  नेपाली किसानहरुको अधिकार स्थापना गराउन सधै कृयाशिल नेपाली कांग्रेसको भातृ संगठन नेपाल किसान संघ झापाले आफ्ना मातहतका समितिहरुलाई आगामी भदौ २५ गतेभित्रमा बैठक राखी क्षेत्र, प्रदेश क्षेत्र, गाउँ–नगर एवं वडा समितिहरुलाई सक्रिय बनाउन निर्देशन गरेको छ ।

नेपाल किसान संघ झापाका अध्यक्ष राजेन्द्र भट्टराइको अध्यक्षतामा आज सम्पन्न बैठकले आसन्न प्रतिनिधिसभा र प्रदेशसभा सदस्यको निर्वाचनलाई लक्षित गर्दै संगठन परिचालन गर्न र मातहत समितिहरुलाई क्रियाशील बनाउन निर्देशन गरेको हो ।

लोकतन्त्र पक्षधर उम्मेद्वारहरुले निर्वाचनमा जीत हासिल गरेमात्रै किसान, मजदुर र विपन्न वर्गको हितमा कार्य गर्ने जनाउँदै बैठकले गठबन्धन दलका उम्मेद्वारको पक्षमा निर्वाचन परिणाम आउने गरी माहोल बनाउन पनि आग्रह गरेको छ ।