नागरिकको सुरक्षाको लागी प्रहरी सधै तत्पर रहनुपर्छ : कांग्रेस नेता तिमिल्सिना

♦ दीपक शर्मा

१५ भदौ, बर्दिया । नेपाली कांग्रेसका नेता जन्मजय तिमिल्सिनाले नागरिकको जिउ धनको सुरक्षाको लागी प्रहरी सधै तत्पर रहनु पर्ने बताएका छन । बर्दियाको राजापुर नगरपालिका वार्ड न २ मा शान्ति सुरक्षामा समुदाय र प्रहरी विचको सहकार्य विषयक छलफल कार्यक्रममा तिमिल्सिनाले सो कुरा बताएका हुन ।

सो स्थानमा प्रहरी चौकीकाे आवश्यक देखिएपछि लामो समय सम्म पहल गर्दै आउनु भएका नेपाली कांग्रेसका महासमिति सदस्य जन्मजय तिमिल्सिनाले समाजमा भएका विकृती , घटनालाई न्युनिकरण गर्नका लागी प्रहरी र नागरिक विचको सहकार्य आवश्यक भएको बताउदै जनताको कर बाटै तलव खाने प्रहरी प्रशासन जनता प्रति उत्तर दायित्व भएको हुँदा प्रहरीलाई स्थानिय वासीको सहयोग हुनुपर्ने बताए । सो क्षेत्रमा प्रहरी चौकी को आवश्यकता भएको हुदा तत्काल अस्थाई रुपमा चौकि स्थापना गरिने समेत बताए ।

कार्यक्रममा लुम्बिनी प्रदेश प्रहरी कार्यालय दाङ तुल्सिपुरका प्रमुख प्रहरी नायव महानिरीक्षक नलप्रसाद उपाध्यायले प्रहरी सधै जनताको सेवक भएको हुँदा हातेमालो गरेर नै अपराध न्युनिकरणमा अगाडि बढने बताए । कार्यक्रममा विभिन्न राजनितिक दलको पनि उपस्थिति रहेको थियो । स्थानिय वासीहरुले प्रहरी चौकी स्थापना भएमा गाँउघरमा हुने अपराधिक क्रियाकलापमा कमि आउने बताए ।