कांग्रेस महामन्त्री शर्मा झापा–१ बाट एकल सिफारिस

१६ भदौ,काठमाडौं ।  नेपाली कांग्रेसका महामन्त्री विश्वप्रकाश शर्मा झापा–१ बाट प्रतिनिधिसभा सदस्य निर्वाचनको उम्मेदवारमा सर्वसम्मत सिफारिस भएका छन् ।पार्टीको विधानबमोजिम उम्मेदवारका लागि एक महिलासहित तीन जनासम्मको नाम सिफारिस गर्न सक्ने भएपनि क्षेत्रीय समितिले शर्माकोमात्रै नाम सिफारिस गरेको हो ।

क्षेत्रीय कार्यसमिति, महाधिवेशन प्रतिनिधि र प्रदेश अधिवेशन प्रतिनिधिहरूको बिहीबार बसेको बैठकले शर्माको नाम सर्वसम्मत रुपमा सिफारिस गरेको हो । सत्ता गठबन्धन दलबीच चुनावी तालमेल हुँदा झापा–१ कांग्रेसको भागमा पर्ने वा नपर्ने निश्चित भइसकेको छैन ।

महामन्त्री शर्मालाई ०७४ को निर्वाचनमा हाल गठबन्धनमै रहेको नेकपा माओवादी केन्द्रका नेता राम कार्कीले पराजित गरेका थिए ।