पोखराबाट मुस्ताङ उडेको समिटको जहाज पोखरामै अवतरण

१९ भदौ, पोखरा । पोखरा विमानस्थलबाट मुस्ताङका लागि उडेको समिट एयरको जहाजमा समस्या निम्तिएपछि आपतकालीन अवतरण गरिएको छ । पोखरा विमानस्थलबाट ७ बजेर ५९ मिनेटमा उडेको जहाज ७ मिनेटपछि समस्या आएको भन्दै सोही विमानस्थलमा अवतरण गरिएको हो ।

१८ यात्रु लिएर मुस्ताङ उडेको जहाजमा इन्टिकेसनमा समस्या आएको भन्दै अवतरण गरिएको पोखरा विमानस्थलका सूचना अधिकारी देवराज चालिसेले जानकारी दिए ।

‘इन्डिकेसनमा समस्या देखिएको भन्दै क्याम्टेनले सिंगल इन्जिनबाट ल्याण्ड गरेका छन् । समस्या के हो भन्ने कुरा इन्जिनियरहरुले चेकजाँच गरेपछि पत्ता लाग्ने र सामान्य अवस्थामै जहाज अवतरण भएको चालिसेले बताए ।