सीट बाँडफाँड मिलाउन नसक्दा शीर्ष नेता र गठबन्धनकै भविश्यमाथि प्रश्न उठेको छः माधव नेपाल

२१ भदौ, काठमाडौं ।  नेकपा एकीकृत समाजवादी पार्टीका अध्यक्ष माधवकुमार नेपालले सीट बाँडफाँडमा सहमति जुटाउन नसक्दा दलका शीर्ष नेता र सत्ता गठबन्धनकै विवषयमा प्रश्नचिन्ह खडाभएको बताएका छन् । उनले लगातारको छलफल निररर्थक भइरहेको बताए ।

पार्टी निकट नेपाल दलित मुक्ति संगठनको काठमाडौंमा मंगलबार सुरु भएको केन्द्रीय कमिटी बैठकमा बोल्दै नेपालले लामो समयदेखि सत्तारुढ गठबन्धन भित्र प्रदेशसभा र प्रतिनिधिसभाको सीट बाँडफाँटका विषयमा लगातार छलफल हुँदै आएपनि झनझन थप पेचिलो बन्दै गएकाले गठबन्धनको भश्यिमा प्रश्नचिन्ह उठेको बताए ।

उनले देशमा आमुल परिवर्तन ल्याउन कस्स्एिका दलहरुले सामान्य सीट संख्याको भागबण्डा गर्न समेत नसकेको सन्देश जनतामा गएको दावी गरे । अध्यक्ष नेपालले आगामी मंसीर ४ गते हुने प्रदेशसभा र प्रतिनिधिसभा निर्वाचनमा तालमेल गरेर जाने सत्तारुढ दलहरुबीच सहमति भए पनि सिट बाँडफाँडको विषय सम्भव हुन्छ कि हुँदैन भन्न एकिन हुननसकेको बताए ।

उनले आफ्नो पार्टीले त्यसलाई सम्भव बनाएर अघि बढ्न चाहिरहेको बताउँदै अध्यक्ष नेपालले आगामी चुनावमा आफ्नो पार्टीका उम्मेदवारहरुलाई जिताउने गरी संगठन परिचालनको काममा जुट्न पनि पार्टीका नेता, कार्यकर्तालाई निर्देशन दिए । त्यसका लागि पार्टीको हैसियत र सामथ्र्य बढावाका लागि पार्टीका सबै नेता तथा कार्यकर्ता परिचालित हुनुपर्नेमा जोड दिए ।

उनले चुनावलाई लक्षित गरेर बस्तीबस्तीमा पुगेर संगठन निर्माण र परिचालनको काममा खटिन पनि सिंगो पार्टी पंक्तिलाई सचेत गराउँदै काठमाडौं र सदरमुकाममा नबसी गाउँ पुगेर प्रचारमा लाग्नुपर्ने बताए । नेपालले दलित समुदायमाथि अपहेलना गर्नेहरुलाई पार्टीको सदस्यता नदिने चेतावनीसमेत दिएका छन् ।