विहान ११ बजे बोलाइएको प्रतिनिधिसभा बैठक १ बजे मात्रै बस्ने

२९ भदौ, काठमाडौं । बुधबार विहान ११ बजेका लागि बोलाइएको प्रतिनिधिसभाको बैठकको समय परिवर्तन गरिएको छ । बिहान ११ बजे बस्ने गरी निर्धारण गरिएको बैठकको समय सारेर १ बजे पुर्याइएको छ ।

बैठक आजै दिउँसो १ बजे बस्ने संसद सचिवालयले जनाएको छ । सचिवालयले एक सूचना जारी गर्दै मिति २०७९ साल भदौ २९ गते बुधबार बिहान ११ः०० बजे बस्ने गरी निर्धारण भएको प्रतिनिधिसभाको बैठक विशेष कारणवश बस्न नसक्ने जनाएको छ ।

प्रतिनिधिसभा नियमावली, २०७५ को नियम ६ को उपनियम (३) बमोजिम सम्माननीय सभामुखज्यूले उक्त बैठक आजै दिनको १ः०० बजे बस्ने गरी निर्धारण गर्नुभएको व्यहोरा मा. सदस्यहरूको जानकारीको लागि यो सूचना प्रकाशित गरिएको जारी सूचनामा उल्लेख छ । आजै राष्ट्रियसभाको बैठक पनि बस्दै छ ।