विद्यार्थी राजनीतिबाट आएकालाई टिकटमा प्राथमिकता दिन नेविसंघको माग, त्रिविका विषयमा अनर्गल प्रचार गरिएको दावी

२९ भदौ काठमाडौं ।  नेपाल विद्यार्थी संघले विद्यार्थी राजनीतिबाट आएकाहरुलाई प्रदेश र प्रतिनिधिसभा सदस्यको उम्मेदवारमा सिफारिस भएकाहरुलाई टिकटमा प्राथमिकता दिन पार्टी नेतृत्वसंग माग गरेको छ । उसले त्रिभुवन विश्व विद्यालयमा भएको तालाबन्दी प्रकरणमा नेविसंघबिरुद्ध अनर्गल प्रचार भएको दावीसमेत गरेको छ ।

नेविसंघ केन्द्रीय कार्यसमितिद्वारा पूर्वअध्यक्षसहित पूर्वपदाधिकारीहरुलाई राखेर आज (बुधबार) आयोजना गगरिएको अन्तक्र्रिया कार्यकमा यस्तो माग गरेको हो । आगामी मंसिर ४ मा हुने प्रदेश र प्रतिनिधिसभाको निर्वाचमा कांग्रेस जिताउ अभियानका लागि नेविसंघ पूर्णरुपले खटिने भन्दै विद्यार्थी पृष्ठभूमीबाट सिफारिसमा परेकालाई टिकटमा प्राथमिकता दिन भनेको हो ।

अन्तक्र्रिया कायक्रममा नेबिसंघले गरेको त्रिवि सुधार आन्दोलनका बारेमा गरिएको अनर्गल प्रचार लगाएतका एजेन्डामा छ्लफल भएको थियो । नेबिसंघका अध्यक्ष दुजाङ शेर्पाले दशै अघाडी नयाँ समिति आउने र त्यसका लागि सबैले सहजीकरण गर्नुपर्ने बताएका थिए । अन्तक्र्रियामा उपस्थित सबैले जति सक्दो चाडो नेबिसंघ केन्द्रिय समितिले पुर्णता पाउनुपर्ने माग गरेका थिए ।

उनीहरुले मिति सकिएका जिल्ला र क्याम्पस समिति भंग गरेर नया प्रक्रियाअनुसार अघि बढ्नुपर्नेमा जोड दिँदै नेबिसंघ लगाएतका सम्पुर्ण भातृ संगठनलाई चुनाबमा परिचालन गर्नुपर्ने बताए ।

भातृ संगठनलाई परिचालन नगरी चुनावमा कांग्रेस पार्टी बलियो हुननसक्ने धारणा उनीहरुको छ । भेलामा पार्टी उपसभापति धनराज गुरुङ सहमहामन्त्रीद्वय किशोर सिंह राठौर,बद्री पाण्डे लगाएत केन्द्रिय सदस्यहरुको उपस्थित रहेको विद्यार्थी नेता टेकराज अवस्थिले नेपालबहसलाई जानकारी दिएका छन् ।