निर्वाचन आयोगद्वारा १ सय ६५ क्षेत्रमा निर्वाचन अधिकृत नियुक्त, तालिम दिएर कार्य क्षेत्रमा पठाइने

६ असोज, काठमाडदं । निर्वाचन आयोगले प्रदेश र प्रतिनिधिसभको निर्वाचन सम्पन्न गर्नका लागि १ सय ६५ निर्वाचन क्षेत्रमा निर्वाचन अधिकृत नियुक्त गरेको छ । आगामी मंसिर ४ गतेको निर्वाचन गराउन आयोगले मुख्य निर्वाचन अधिकृत र अधिकृतहरू नियुक्त गरेको हो ।

नियुक्त भएका अधिकृतहरूलाई १२ र १३ गते निर्वाचन व्यवस्थापन सम्बन्धी अभिमुखीकरण तालिको दिइनेछ । यस तालिम कार्यक्रममा अनिवार्य रुपमा उपस्थित हुन आयोगले सूचना जारी गरेको छ । अभिमुखीकरण तालिम सकेर निर्वाचन अधिकृतहरूलाई नियुक्ति पत्र प्रदान गरि कार्य क्षेत्रमा खटाइने आयोगले जनाएको छ ।

मंसिर ४ गते हुने मतदानका लागि निर्वाचन आयोगले प्रक्रिया सुरु गरिसकेको छ । यसअघि समानुपातिक निर्वाचन प्रणालीका लागि बन्दसूची दर्ता भइसकेको छ । प्रतक्ष निर्वाचनका लागि यही असोज २३ गते मनोनयम दर्ताको कार्यसूची रहेको छ ।