कर्मचारीलाई कालोमोसो दल्न खोज्ने विप्लपका कार्यकर्ता पक्राउ

♦ दीपक शर्मा

७ असोज, बर्दिया । बर्दियाको मधुवन नगरपालिका शिक्षा शाखा प्रमुखलाई कालोमोसो दल्ने योजना सहित कार्यालय पुगेका नेकपा माओवादी विप्लवका कार्यकर्ता पक्राउ परेका छन । शिक्षा शाखा प्रमुख नारायण प्रसाद खनालले केहि दिन देखि नै शिक्षक मिलान तथा सरुवा गरिएको काम तत्काल फिर्ता लिन आफुलाई सो समुहले दवाव दिदै आएको बताए ।

उनले भने कार्यकक्षमा आएर केहि विषयमा छलफल गर्नु छ भन्दै आएका संग आफुले पनि छलफल गरिरहेका बेला एक्कासी पलाष्टिक बाट कालो मोसो निकाल्ने क्रममा आफु कार्यकक्ष बाहिर आएको हो हल्ला गरेपछि उनिहरु भागेको बताए । कालो मोसो दल्न आएको समुहले खनाललाई भने कालो मोसो दल्न पाएनन । कुनै पनि समस्याको समाधान बार्ता हुदा हुदै यस खालको हर्कत जायज नहुने कर्मचारीहरुको भनाई रहेको छ ।

विहिवार दिउसो करिब ११ बजेतिर नगरपालिका भित्र छिरेका विप्लवका ३ जना कार्यकर्ताहरुले सुरुमा शिक्षा शाखा प्रमुख नारायणप्रसाद खनाल संग उनकै कार्यकक्षमा शिक्षक दरवन्दि मिलान, शिक्षक नियुक्ती लगायतका विषयमा छलफल गरका थिए छलफलकै क्रममा तिन जना मध्ये एक जनाले गोजी बाट पलाष्टिको झोला निकाल्दै कालो मोसो दल्ने क्रममा धकेला धकेल हुदा खनालको पोसाक सर्टमा कालोमासो खसेको थियो कार्यलयको अक्रो ढोका बाट बाहिर आएका खनालले हो हल्ला गरेपछि कालो मोसो दल्ने समुह भागेका थिए भाग्दै गरेका एक जनालाई नियन्त्रणमा लिई प्रहरीलाई जिम्मा लगाइएको छ ।

पक्राउ पर्नेमा हुम्ला सोरु गाँउपालिका ७ का २२ वर्षिय अर्जुन विष्ट रहेको बर्दिया प्रहरीले जनाएको छ । अन्यको पनि पहिचान खुलिसकेको हुदा पक्राउ गरीने बताएको छ । अखिल क्रान्तिकारी बर्दियाका अध्यक्ष हरि प्याकुरेलले शिक्षक नियुक्ती, सरुवा, बढुवा, जिल्ला मिलानमा भ्रष्टाचार गरेको आरोप लगाउदै आफनो समुहले कालो मोसो दलेको दावी गरेको छ ।