एमालेमा उम्मेदवार छान्ने अन्तिम जिम्मा अध्यक्ष ओलीलाई दिइयो, १० जनाको टिकटमा अझै रँडाको

१४ असोज, काठमाडौं । नेकपा एमालेले आगामी मंसिर ४ गते तोकिएको प्रदेश र प्रतिनिधिसभा सदस्यका उम्मेदवार चयनको अन्तिम जिम्मा पार्टी अध्यक्ष केपी शर्मा ओलीलाई दिएको छ । बिहीबार बालकोटमा बसेको केन्द्रीय सचिवलय बैठकले प्रत्यक्ष र समानुपातिकतर्फका उम्मेदवारको अन्तिम टुंग लगाउने जिम्मा ओलीलाई दिएको हो ।

एमाले आगामी प्रदेश र प्रतिनिधिसभा निर्वाचनको प्रत्यक्षतर्फका उमेदवारका बारेमा आज पनि छलफल गर्दैछ । अध्यक्ष ओलीको निवास बालकोटमा हुने बैठकमा को–को उमेदवार बनाउन सकिन्छ भनेर छलफल प्रारम्भ गर्ने जनाइएको छ । एमालेमा प्रतिनिधिसभाको १६५ र प्रदेशसभाको ३३० निर्वाचन क्षेत्रमा सम्भावित उमेदवारबारे छलफल केही दिनदेखि जारी छ ।

उमेदवारबारे केन्द्रीय हेडक्वाटर र अध्यक्षले परामर्श गरेर निर्णय लिने एमाले नेता पृथ्वी सुब्बा गरुङले जानकारी दिए । उनले समानुपातिक सूचीमा थपघट गर्नुपर्ने भए निर्णय गर्ने अधिकार अध्यक्ष केपी शर्मा ओलीलाई अघिल्लै बैठकले दिइसकेको बताए ।

यस्तै, पूर्वमाधव नेपाल समूहका नेता भनेर चिनिएका नेताहरुले गरेको १० बुँदे सहमति गरेर बसेकाहरूको हकमा भने ओलीले सर्त पालना गर्नुपर्ने बताएका छन् । १० बुँदेबारे के गर्ने, माओवादीबाट एमालेमा बसेकाहरूको बारेमा के गर्ने ? हालसालै आएकाहरूमा के गर्ने भन्नेमा एजेण्डा बनाएको छैन् । पहिलो मापदण्डमा लोकप्रिय नेता परेका छन् ।