रवीन्द्र मिश्रले गरे उमेदवारी घोषणा, काठमाडौं एकबाट लड्ने

१४ असोज, काठमाडौं । दुइदिन अघि राष्ट्रिय प्रजातन्त्र पार्टी (राप्रपा) प्रवेश गरेर वरिष्ठ उपाध्यक्ष पाएका रवीन्द्र मिश्रले आगामी प्रतिनिधिसभा निर्वाचनका लागि प्रत्यक्षतर्फ उमेदवारी घोषणा गरेका छन् ।

मिश्रले काठमाडौं क्षेत्रनम्बर १ बाट उमेदवारी घोषणा गरेका हुन् । विवेकशील साझा त्यागेर राप्रपासँग एकीकरण गरेका वरिष्ठ उपाध्यक्ष बनेका उनले आज उमेदवारी घोषणा गरेका हुन् ।

मिश्र २०७४ को संसदीय चुनावमा पनि सोही क्षेत्रमा उमेदवार रहेका थिए । उनी त्यसबेला नेपाली कांग्रेसका प्रकाशमान सिंहसँग थोरै मतान्तरमा पराति भएका थिए ।