नाँच माया बोलको गीतको छायाँकन सम्पन्न

२३ असोज, काठमाडौं । लामो समयदेखि अमेरिकामा रहेर नेपाली गीत संगीतमा सक्रिय रहँदै आएकी गीतकार पुनम मोथेको नाँच माया बोलको गीतको छायाँकन सम्पन्न भएको छ ।

गीतमा शव्द पुनम मोथेकै रहेको छ भने स्वर तिलक बस्नेत र बिन्दु परियारको रहेको छ । गायक स्वयम तिलक बस्नेतले संगीत गर्नुभएको गीतको भिडियोतर्फ भने बिना राउत र सरोज प्रजाको अभिनय , पवन सुस्लिङको छायाँकन तथा सम्पादन , प्रशान्त मगरको कोरियोग्राफी तथा जीवन शाहीको निर्देशन रहेको छ ।

लामो समयदेखि संगीत यात्रालाई निरन्तरता दिँदै आएकी पुनमको पछिल्लो समय अविरल माया बोलको गीत दर्शक श्रोताले अत्याधिक मन पराएका थिए ।

पछिल्लो गीतलाई जस्तै या त्योभन्दा बढी नाँच मायालाई दर्शक श्रोताले मन पराई दिनेछन भन्ने कुरामा गीतकार पुनम आशावादी रहेकी छिन्। नेपाली दर्शक श्रोताहरुलाई प्रवाशमा रहेकी नेपाली चेलीको तिहारको कोशेली स्वरुप गीतको भिडियो असोज २६ गते सार्वजनिक हुँदैछ ।