एमाले छाडेका घनश्याम भुसालले पाए त्रिभुज चुनाव चिह्न

२४ असोज, बुटवल । नेकपा एमाले छाडेर सत्ता गठबन्धनको समर्थनमा स्वतन्त्र उम्मेदवार बनेका नेता घनश्याम भुसालले त्रिभुज चुनाव चिह्न पाएका छन् । उनी केहीदिन अघिसम्म नेकपा एमालेमै थिए । एमाले अध्यक्ष केपी शर्मा ओलीले उनलाई टिकट दिएका थिएनन्

निर्वाचन कार्यतालिका अनुसार आज उम्मेदवारहरुलाई निर्वाचन चिह्न प्रदान गरिने कार्यक्रम अनुसार भुसाललाई त्रिभुज प्रदान गरिएको हो । रुपन्देही १ निर्वाचन अधिकृतको कार्यालयले भुसाललाई त्रिभुज निर्वाचन चिह्न प्रदान गरेको निर्वाचन अधिकृत श्याम श्रेष्ठले जानकारी दिए । उनी यस क्षेत्रमा एमालेका छविलाल विश्वकर्मासँग प्रतिस्पर्धा गर्दै छन् ।