क्रिकेटर सन्दीप लामिछानेको थप पाँच दिन म्याद थप

२७ असोज, काठमाडौं ।  बलात्कारको आरोप लागेका क्रिकेटर सन्दीप लामिछानेको हिरासतमा राख्ने म्याद पाँच दिन थपिएको छ । थप अनुसन्धानका लागि जिल्ला अदालत काठमाडौंबाट बिहीबार दोस्रोपटक पाँच दिनको म्याद थप गरिएको हो ।

अदालतले यसअघि उनलाई सात दिन हिरासतमा राखेर अनुुसन्धान गर्न अनुमति दिएको थियो । १७ वर्षीया नाबालिगमाथि बलात्कार गरेको आरोपमा सन्दीप यही असोज २० गते त्रिभुवन अन्तर्राष्ट्रिय विमानस्थलबाट पक्राउ परेका हुन् । २० गतेबाटै सो म्याद लागु भएको थियो ।

प्रहरी वृत्त गौशालामा गएको भदौ २१ गते सन्दीपविरुद्ध जाहेरी परेको थियो । सन्दीपले आफू निर्दोष रहेको दाबी गर्दै आएका छन् । पीडितका आफन्तले दिएको जाहेरीमा सन्दीपले भदौ ५ गते राति काठमाडौंको एक होटेलमा नाबालिगमाथि पटक–पटक बलात्कार गरेको उल्लेख छ ।