ओलीको एक इशाराबाट देउवाका लागि डडेल्धुरा कति सुरक्षित ?

२९ असोज, काठमाडौं । प्रधानमन्त्रीसमेत रहेका नेपाली कांग्रेसका सभापति शेरबहादुर देउवाको धरमरमा रहेको निर्वाचन क्षेत्र डडेल्धुरा एमाले अध्यक्ष केपी शर्मा ओलीले सुरक्षित बनाइदिने प्रयास गरेका छन् । यसबाट प्रतिनिधिसभा सदस्य निर्वाचनमा देउवाको प्रस्पिर्धामा आउन सक्ने अर्को उम्मेदवार तत्का देखिएको छैन् । तर, अझै एमालेको निर्णय आउन बाँकी छ ।

नेकपा एमालेले कांग्रेस बीपीलाई सघाउँदा देउवालाई चुनाव जित्न कठिन हुने अनुमान गरिएको थियो । बीपी कांग्रेसका उम्मेदवार कर्ण मल्लले एमालेको साथ पाउँदा देउवाका लागि भारी बन्न सक्ने अवस्था देखिएको थियो । कर्ण मल्लबाहेक पनि स्वतन्त्रसहित १२ उम्मेदवारहरु देउवाको बिरुद्धमा लागिरहेका छन् । यसले गर्दा देउवाको खड्गो अझै टरिसकेको देखिँदैछ ।

नेकपा एमालेले अब के गर्छ भन्ने विषयले देउवा ढुक्क हुने अवस्था रहन्छ कि रहँदै भन्ने विषयलाई थप गौण बनाएको छ । एमालेले आफ्नै उम्मेदवारलाई दिने वा स्वतन्त्रलाई सघाउने भन्ने एकिन भएको छैन । देउवालाई डडेल्धुरामा सुरक्षित गर्दा अध्यक्ष ओलीले पनि त्यसको बदलामा अन्य उस्तै क्षेत्र खोजेको बताइन्छ ।

ओलीले देउवालाई सहज बनाउँदा एमालेले कहाँ केपाउँछ भन्ने विषय छलफल भएको छ । तर, निष्कर्ष आएको छैन् । बालकोट निकट स्रोतको भनाइमा ओली र देउवाबीच भएको संवाद पछि नै एमाले बीपी कांग्रेसलाई सघाउने विषयबाट पछि हटेको हो । एमाले डडेल्धुराले नेपाली कांग्रेस बीपीसँगको चुनावी तालमेल शुक्रबार तोडेको हो ।

सहमतिविपरीत बीपी कांग्रेसले डडेल्धुराको प्रदेश निर्वाचन क्षेत्र २ मा आफ्ना उमेदवारलाई नभई स्वतन्त्र उमेदवारलाई समर्थन गरेको भन्दै एमालेले चुनावी तालमेल भंग गरेको बताइए पनि ओली निर्देशन सो कुरा भएको थियो । त्यही अनुसार बैठक बसेर एमाले डडेल्धुराले विज्ञप्ती निकालेको थियो ।

यसअघि बीपी कांग्रेसँग तालमेल गर्नकै लागि एमाले अध्यक्ष केपी शर्मा ओलीले डडेल्धुरामा प्रतिनिधिसभातर्फ उमेदवारी दर्ता गराएका चक्रप्रसाद स्नेहीको उमेदवारी फिर्ता गराएका थिए । डडेल्धुरामा प्रतिनिधिसभातर्फ प्रधानमन्त्री तथा नेपाली कांग्रेसका सभापति शेरबहादुर देउवासहित ८ जना उमेदवार छन् ।