सत्यमोहन जोशीको निधनमा भोलि सार्वजनिक बिदा

३१ असोज, काठमाडौ । सरकारले वाङ्मय शताब्दी पुरुष सत्यमोहन जोशीको निधनमा भोलि मंगलबार सार्वजनिक बिदा दिने निर्णय गरेको छ । गृह मन्त्रालयका प्रवक्ता फणिन्द्मणि पोखरेलले आज सूचना जारी गर्दै सरकारले जोशीको निधनको शोकमा देशभर सबै सरकारी कार्यालय, सार्वजनिक संघ–संस्था, विदेशस्थित कुटनीतिक नियोगमा १ कार्तिक सार्वजनिक बिदा दिने र राष्ट्रिय झण्डा झुकाउने निर्णय गरेकाे जानकारी दिएका छन् । शताब्दी पुरुष जोशीको १०३ वर्षकाे उमेरमा आइतबार निधन भएको थियो ।