चुनावी घरदैलोमा स्याङ्जा कांग्रेसः आफु निर्वाचित भएपछिको पहिलो काम भष्ट्राचारको अन्त्य– उपसभापति धनराज गुरुङ

१ कात्तिक, स्याङ्जा । नेपाली कांग्रेसका केन्द्रीय उपसभापति तथा स्याङ्जाकाे संघीय निर्वाचन क्षेत्र नम्वर २ का उम्मेदवार धनराज गुरुङले भष्ट्राचार प्रवृत्तिको अन्त्य गर्नुपर्ने बताएका छन् ।

चुनावी घरदैलो तथा वालिङ १२ र १३ मा आयोजना गरिएको चुनावी भेलालाई सम्बोधन गर्दै उपसभापति गुरुङ्ले भष्ट्राचारको अन्त्य नभएसम्म दिगो विकास सम्भव नहुने बताएका हुन् । भष्ट्राचार बिरुद्धको अभियान चलाउँदै आएका उपसभापति गुरुङ्ले आफु निर्वाचित भएपछिकाे पहिलो काम भष्ट्राचार अन्त्यको लागि हुने दावी गरे ।

जनताको रगत र पसिना चुसेर हिड्ने जनप्रतिनिधिलाई बहिस्कार गर्नुपर्ने बताउँदै उपसभापति गुरुङ्ले विगतमा भोट हालेर पठाएका जनप्रतिनिधिको समिक्षा गर्नुपर्ने बेला आएको बताए । मुलुकमा भष्ट्राचार रोक्न सके विदेश पलायनदेखि झुपडीमा बसेका जनताले सामान्य औषधि सिटामोल खानलाई समस्या नहुने बताए । जनताको घरदैलोमा पहिलो पटक भोट माग्न आएको बताउँदै उपसभापति गुरुङ्ले समग्र स्याङ्जाको विकास गर्न एकपटक नेपाली कांग्रेसलाई बिजयी गराउन मतदातासँग आग्रह गरे ।

उक्त कार्यक्रममा नेपाली कांग्रेसका नेता तथा प्रदेश (क) उम्मेदवार भोजराज अर्यालले जनताका ठुला समस्या भन्दा साना समस्यामा जोड दिनुपर्ने बेला आएको बताए । यो प्रदेशको सुन्दरताको पहिचान गर्दै यहाँका जनताको गरीबी हटाउन नेपाली कांग्रेसलाई मतदान गर्न अनुरोध गरे । आफुले ढाटेर भोट नमाग्ने बताउँदै अर्यालले यो प्रदेशको विकासका लागि सदैव लाग्ने प्रतिबद्धता व्यक्त गरे ।

संघीय निर्वाचन क्षेत्र नम्वर २ को प्रदेश (क) को संयुक्त चुनावीसभा र घरदैलो कार्यक्रम आजबाट शुरु गरिएको छ । वालिङ १२ र १३ नम्वर जनतालाई साची राखेर नेपाली कांग्रेसले यो अभियानलाई अगाडी बढाएको नेपाली कांग्रेसले जनाएको छ ।