जड्याहा यात्रुले विमान परिचरको औंला टोकिदिएपछि…

१ कात्तिक, एजेन्सी । इन्डोनेसियाको राजधानी जाकार्ताका लागि टर्किस एयरलाइन्सको विमानलाई मादक पदार्थ सेवन गरी उडान परिचरहरूसँगको झगडापछि आपतकालीन अवतरण गरिएको छ।

उक्त विमान इस्तानबुलबाट जाकार्ताका लागि उडेको थियो । सामाजिक सञ्जालमा पोष्ट गरिएको घटनाको भिडियोमा एक व्यक्तिले झगडा गर्दै प्लाष्टिक ह्यान्डकफ लगाएका परिचरलाई मुक्का प्रहार र औंला टोकिदिएका थिए ।

जाकार्तामा अवतरण गर्ने तालिका रहेको उक्त विमानलाई मलेसियाको क्वालालम्पुर डाइभर्ट गरेर कउलानामु अन्तर्राष्ट्रिय विमानस्थलमा अवतरण भएको थियो ।

एक्सप्रेसका अनुसार मादक पदार्थ सेवन गरेका ती यात्रुले परिचरको औंला टोकेका थिए । उनलाई उडान परिचारकहरूले आफूलाई शान्त पार्न चेतावनी दिएपनि उनले बोर्डमा रहेका स्टाफका एक सदस्यको औंला टोकिदिएका थिए ।