बेलायतमा चिनियाँ कार्यवाहक राजदूतलाई स्पष्टीकरण सोधियो

२ कात्तिक, एजेन्सी । उत्तरी बेलायतकोे म्यानचेस्टरस्थित वाणिज्य दूतावास अगाडि हङकङका प्रजातन्त्र समर्थक प्रदर्शनकारीमाथि भएको आक्रमणलाई लिएर बेलायतको विदेश मन्त्रालयले चिनियाँ कार्यवाहक राजदूतलाई स्पष्टीकरण सोधेको छ । हङकङका प्रजातन्त्र समर्थक

प्रदर्शनकारीलाई म्यानचेस्टरमा रहेको चिनियाँ वाणिज्य दूतावास नजिक कुटपिट भएको थियो । हङकङ आदिवासी रक्षा बल नामक प्रजातन्त्र समर्थक समूहले आइतबार बेइजिङमा भएको चिनियाँ कम्युनिष्ट पार्टीको बिसाैं महाअधिवेशनको विरोधमा उत्तरी सहरमा रहेको वाणिज्य दूतावास बाहिर विरोध प्रदर्शन गरेको थियो ।

सो क्रममा प्रदर्शनकारीहरुमाथि कुटपिट भएको थियो । कुटपिटको भिडियो सामाजिक सञ्जालमा समेत राखिएको थियो । कुटपिट घटनाको बेलायतका कार्यकर्ता र सांसदहरूले छानबिनको माग गरिरहेका छन् ।